Пређи на главни садржај

Потпечена свежа зелка со кременадлиња

 


Од мала не сакав манџи, варива и било што со лажица, а особено не, манџа од свежа или како што си ја викаме дома, слатка зелка. 

Овде во Шведска, ретко можеш да најдеш свежа зелка која што е погодна за варива, а на таква налетав минатата недела, планирајќи ја за едно друго јадење. Меѓутоа, сосема непланирано заврши во најомилената комбинација на Љубиша, зелка со мрсничко (фрагмент од култниот македонски филм "Самоуништување"). 

Бидејќи не го сакам мирисот на свежа готвена зелка, додадов уште една магична состојка, која што му даде една потполно друга димензија на целото јадење. 

Ѕирнете во состојките за да откриете сами 😊

СОСТОЈКИ (за 3-4 лица) 

  • Околу 1.5 кг свежа зелка, насецкана на резанки дебели околу 1 цм
  • 1 голема лажица свинска маст
  • 1 главица кромид
  • 400 - 500 гр Свинско месо (овде свинско каре, но најубаво со врат или плешка) 
  • Сол и бибер во зрно, по вкус
  • 1 лажица мелен црвен пипер
  • 1/2 лажиче каенски пипер или лут буковец
  • 1/2 лажиче кумин (НЕ ким!) 
НАЧИН НА ПОДГОТОВКА
Во тенџере кое што може да се користи и во рерна, кратко испржете го посоленото месо и извадете го на тањир. На истата маст испржете го сечканиот кромид и кога ќе стане стаклест, додадете ја исечканата зелка. Веднаш посолете и почнете полека да ја пржите додека не пушти вода и малку не овене. Додадете ги останатите зачини, убаво измешајте и сега одозгора положете ги парчињата месо и додајте го месниот сок кој што го пуштило месото. 
Поклопете го тенџерето со капак и ставете го во загреана рерна. 

НЕ ДОДАВАЈТЕ ВОДА! Зелката ќе се динста и ќе се пече во сопствените сокови. 

Печете на температура од 180 С додека зелката не омекне (боцнете некое подебело парче зелка, за проба). Тргнете го капакот, зголемете ја температурата на 250 С и печете кратко, само колку да порумени одозгора. На крајот, не треба воопшто да има вода на дното на тенџерето, треба да остане само на маста. 

Мирисот на куминот го покрива оној специфичен мирис на свежа зелка кој што не го сакам и тој е мојата денешна магична состојка. 😊

Мирисаше толку добро и бевме толку гладни што на никој не му падна на памет да направи едно сличе на сервиран тањир. 

Проштевајте што не ми е жал за тоа! 😊❤

Ознаке:

Коментари

Постави коментар

Популарни постови са овог блога

Паштета од туна

Со години не купувам паштети, туку си ги правам сама. Сакам да знам од што се направени и со каков квалитет се состојките од кои што се направени истите.  Во недостиг на идеи за појадок, денес правев паштета од туна. Има многу варијации на тема паштета од туна; со додаток на кисели краставички, јајца, кисела павлака, мајонез, но јас повеќе го сакам оној чист, буквално "морски" вкус на паштетата.  Фина, ароматична, со свеж медитерански штих, како да ме повикува на патување по Медитеранот.  Ја намачкав на тостирано 'ржано лепче со семиња и  додадов сушени маслинки и свежа краставица.  Бомба од ароми, вкусови и свежина.  Потребни состојки 1 конзерва туна во вода 1 мааалечка главица кромид (ставив црвен кромид, има далеку понежна арома од жолтиот)  2 чешниња лук 1 полна кафена лажичка закиселени капари 1 полна лажичка дижон сенф 1 инчун од масло 1 супена лажица екстра девствено маслиново масло 1 лажичка ворчестер сос Сок од 1/4 лимон (+/- по вкус)  Мелен зелен бибер На врв на
1 коментар
Прикажи све

Чоколаден кето пудинг

  Брзичко и лесничко кога ви се јаде нешто слатко, а мора да бидете на режим. Малово бомбиче е сочинето од само три главни состојки, а се прави многу брзо и лесно. Единствено мора да почекате и да поцупкате пред фрижидер додека да се излади и стегне. Состојки 60 мл млечна павлака за шлаг, без додаден шеќер 1 рамно лажиче мелен желатин 180 мл млечна павлака за шлаг, без додаден шеќер  2 рамни супени лажици еритритол 1 лажиче ванила екстракт 1 рамна супена лажица какао Начин на приготвување Измешајте 60 мл млечна павлака и желатинот и оставете ги на страна. Во сад за готвење измешајте ги преостанатите состојки и мешавината загревајте ја на рингла, на умерена јачина при тоа внимавајќи да не зоврие. Готово е кога ќе почнат да се прават мали, ситни меурчиња. Тргнете го садот од рингла и почекајте половина минута. Сега, додадете го набубрениот желатин. Најверојатно ќе имате грутчеста смеса, но без гајле, ќе се истопи во топлата мешавина. Добро промешајте со жица за матење и течната смеса ста
Постави коментар
Прикажи све

Гранола без шеќер

  Долго време мака мачев со наоѓање на гранола во која нема додадени шеќери, гликозен сируп, вештачки ароми и слично. И покрај огромната понуда во маркетите овде каде што живеам, моите здравствени потреби некако не се поклопуваа со истоимената понуда па решив да си направам сама нешто што ќе биде во согласност со моите потреби, а да не чини мало богатство. Се прави многу лесно, за околу половина час и за кратко време ќе имате одличен додадок за појадок. Количината на состојките си ја прилагодувате самите.  Од оваа количина добив една голема тегла. СОСТОЈКИ 80 гр ореви 50 гр ленено семе во зрно 50 гр непечено семе од тиква 50 грама непечен сончоглед 50 гр непечен лешник 80 гр путер од кикирики без додаден шеќер 15 гр протеин од ванила 2 лажици еритритол (опционо) суво овошје (опционо) НАЧИН НА ПОДГОТОВКА На плех од рерна ставете хартија за печење и вклучете ја рерната на 170 С. Оревите и лешниците истолчете ги но не многу ситно. Изборот на јатки зависи од желбите и потребите.  Во подлаб
Постави коментар
Прикажи све