Македонка во Шведска

  Тофуто како намирница ми има безброј пати прелетано низ моите бескрајни пребарувања во морето на рецепти на интернет, но никогаш не сум изразила желба да го пробам. До вчера.  Вчера купив тофу со намера конечно да го пробам и бидејќи не знаев што да очекувам во смисла на вкус, текстура и изглед, решив да го направам на еден од наједноставните начини на подготовка, мариниран и испечен во aifryer.  СОСТОЈКИ (за 2 лица)   * 180 гр тврд тофу * 4 лажици соја сос * 2 лажици оцет од ориз * 1 лажичка ѓумбир во прав * 1 лажичка сушен лук * 1/4 лажиче каенски пипер * 1 лажичка густин * 2-3 лажици масло од сусам * сусам (по желба)  * 2 чешниња лук * 300 гр цветови од брокула НАЧИН НА ПОДГОТОВКА Исцедете го тофуто од водата и исечете го на помали коцки. Во подлабок сад ставете ги соја сосот, оцетот, ѓумбирот, сушениот лук и каенскиот пипер, добро измешајте и во оваа мешавина измаринирајте ги коцките тофу. За маринирање ви се доволни 15 минути.  Коцките тофу ставете ги во aifryer во еден слој и с

  Не сакам леќа. Уствари, не ја сакав додека не ја направив оваа чорба. 😊 Ова е веќе трета недела откако испробувам различни видови на храна за да видам која ми создава големи инсулински пикови и за да ја избегнувам во иднина. Денес беше ден за експериментирање со црвена леќа. 😊 Оваа чорба е готова за половина час и денес ми беше ручек. Мирисна, ароматична, зачинета таман колку да го заскокотка грлото, вистински пример за комфорт фуд и совршена контратежа на денешниот тмурен, врнежлив, типично есенски скандинавски ден.  Сонце во чинија. ❤ СОСТОЈКИ (за една длабока чинија чорба)  1 помала главица кромид 2 чешниња лук 50 гр сува (неварена) црвена леќа 1 коцка за супа (по избор)  Сол по вкус Бибер по вкус 1/2 лажиче куркума 1/4 лажиче кумин. НЕ ким!  1 лажица маслиново масло 1 лажица сок од лимон Каенски пипер по вкус 400-450 мл врела вода 2 лажици пелат домати или 1 лажица концентрат од домати 2 лажици сецкани листови коријандер Масло од сусам (опционо)  НАЧИН НА ПОДГОТОВКА Ставете ги

  Оние кои што се на режим на исхрана со малку јаглени хидрати, сигурно си прават некоја ЛЦХФ/кето верзија на американски палачинки.  Ги правам и јас, но дефинитивно не можат да избијат на прво место пред нежните, тенки crepes .  Се прават од само 2 состојки. 😊 СОСТОЈКИ 2 средно големи јајца 50 гр крем сирење Малку масло за премачкување на тавата НАЧИН НА ПОДГОТОВКА Во блендер измиксајте ги јајцата и крем сирењето. По желба можете да додадете малку сол или засладувач по свој избор. Загрејте помало тавче со нелепливо дно, премачкајте го со салфетка натопена со малку масло за готвење и испечете палачинки.  Филувајте ги со што сакате. Овие се филувани со домашен кето чоколаден крем. 😊

  Брзи, вкусни воздушести кето лепчиња, кои што можат да се комбинираат во различни варијанти: кето бургери, сендвичи, со некој намаз и сл.  Се прават лесно, а погодни се и за замрзнување.  СОСТОЈКИ се мери со чаша со запремнина од 240 мл.  1 1/2 чаша бадемово брашно 1/3 чаша кисела павлака 4 лажици стопен путер 2 јајца L големина 1/2 лажиче сол 2 рамни лажички прашак за пециво НАЧИН НА ПОДГОТОВКА Во длабок сад со жица за матење се матат јајцата, се додава павлаката и стопениот и млак путер и повторно се мати за да се соединат сите мокри состојки.  Се додаваат брашното, солта и прашакот за пециво и добро се меша.  Се распоредуваат во 6 калапи за кето лебови или на плех обложен со хартија за печење, со лажица се формираат 6 диска.  Се печат 12-15 минути во претходно загреана рерна на 200°С. Печени, се префрлуваат на решетка и се оставаат во потполност да се изладат.  Вака изладени можат да се замрзнат и да се користат по потреба. 

  Fröknäcke или во превод плочки/двопек од семиња.  Без глутен, без млечни производи, без јајца, направен од семиња кои што во моментот ми беа достапни. И одличен!  Во Шведска, најчесто се јаде за појадок, наместо класичен леб, намачкан со путер врз кој се редат тркалца краставици, тркалца од варени јајца, парче жолто сирење или во превод, кашкавал. Јас го сакам со крем сирење или со џем или чоколаден крем.  Ги има да се купат, но се поприлично скапи и со додаток на брашно или продукти од пченица, па решив да си ги направам сама.  Се прават многу едноставно, а излегуваат многу плочки; цел плех од рерна (30х40 цм).  Ова беше мојот избор на семиња. Се мери со истата чашка со запремнина од 240 мл, а сите семиња се сурови, односно непечени.  СОСТОЈКИ   1 чаша семки од сончоглед 1 чаша семки од тиква 1 чаша ленено семе 1/2 чаша чиа семе 1/2 чаша сусам 1 супена лажица псилиум (може да се изостави, но подобро ја врзува смесата)  1/2 лажиче сол 1 1/2 чаша кокосово или брашно од бадеми 350 - 45

  Од мала не сакав манџи, варива и било што со лажица, а особено не, манџа од свежа или како што си ја викаме дома, слатка зелка.  Овде во Шведска, ретко можеш да најдеш свежа зелка која што е погодна за варива, а на таква налетав минатата недела, планирајќи ја за едно друго јадење. Меѓутоа, сосема непланирано заврши во најомилената комбинација на Љубиша, зелка со мрсничко (фрагмент од култниот македонски филм "Самоуништување").  Бидејќи не го сакам мирисот на свежа готвена зелка, додадов уште една магична состојка, која што му даде една потполно друга димензија на целото јадење.  Ѕирнете во состојките за да откриете сами 😊 СОСТОЈКИ (за 3-4 лица)  Околу 1.5 кг свежа зелка, насецкана на резанки дебели околу 1 цм 1 голема лажица свинска маст 1 главица кромид 400 - 500 гр Свинско месо (овде свинско каре, но најубаво со врат или плешка)  Сол и бибер во зрно, по вкус 1 лажица мелен црвен пипер 1/2 лажиче каенски пипер или лут буковец 1/2 лажиче кумин (НЕ ким!)  НАЧИН НА ПОДГОТОВК

  Имам природно виткана коса и кога не ја фенирам, се чешлам од бањање на бањање. Е, па недела е, дијаспора ги задржа старите навики и се избањав истовремено расчешлувајќи ги чворовите на задниот дел на главата, или што би рекле, на тилот. Трилерот кулминираше со една рака искубана коса и скршен чешел. Шмрц! Се исфенирав и седнав да се напијам кафе на раат и да ѕирнам што има на нет. Необјаснив момент е како стигнав да пребарувам фризури со шишки кои му прилегаат на тркалезно лице, јер такво имам. Десет минути подоцна се обидував да се привикнам на одразот во огледалото, додека онаа во мене вриштеше „зошто, побогу?!„ Зошто, затоа, готово е сеа! Во ред, ќе си напраам некое здраво благце за после, колку да го пребродам моментот на емоционално јадење џанк храна во вакви моменти. Подобро да не ја ни направев утешителната награда, затоа што јас ја јадев неа, а таа ме јадеше мене. Џизс! Ручекот ми го поправи утепаното его кое никој не може така да ти го срине, ко што можеш самиот да си го на

  Се стиховите од една од најпознатите нумери на легендарната музичка група "Парни ваљак". 😊 Сосема соодветна асоцијација за едно фино мезенце кое идеално се љуби со некоја фина полусува сорта црвено вино. Совршено!  Станува збор за крушки со племенито сирење и мед, на подлога од крекер од зрна.  Количините се произволни.  СОСТОЈКИ Крушки Крекери или тостирани парчиња леб Ореви Плаво сирење, јас користев Saint Agur Мед НАЧИН НА ПОДГОТОВКА Крушките се мијат, се сушат со салвета, им се вади средишниот дел со семките и се сечат на подебели полумесечинки. Се редат врз крекерите или врз тостираните парчиња леб. Одозгора им се ставаат сирењето и кршените ореви и ова кратко се запекува, колку да се подрастопи сирењето. Топли се прелеваат со малку мед.  Одлично одат со црвено вино и се совршен избор за саботниот филмски маратон. ❤

  Многу ги сакам и среќа моја што има каде да купам тиквички дури и во ова есенско време.  Денес ќе ми бидат и ручек и вечера. Со салата од гмечена краставица и грчки јогурт со копар, ова е совршен, лесничок и здрав оброк.  СОСТОЈКИ 2 средно големи тиквички 1 главица кромид 2 чешниња лук 1 лажиче сув рузмарин 30 гр рендан кашкавал или фета/овчо/кравјо/козјо сирење 1 јајце 2-3 лажици брашно (овде од наут)  Сол и бибер по вкус 1 лажица масло за мачкање на подлогата за печење 1 лажица сол, за ренданите тиквички НАЧИН НА ПОДГОТОВКА Изрендајте ги тиквичките на крупната страна на рендето, посолете ги добро и ставете ги во цедалка околу половина час, за да пуштат вода.  Во меѓувреме во сецко или со ренде исецкајте/изрендајте ги кромидот и лукот. Тиквичките добро исцедете ги од течноста и додадете ги на кромидот и лукот. Додадете ги и останатите состојки, убаво измешајте и смесата оставете ја фрижидер околу еден час.  Вклучете ја рерната на 220 С. Извадете ја смесата од фрижидер, и од неа форм

 Многу сакам оброк салати! Брзи, економични (по принципот исчисти го фрижидерот од еден морков, половина краставица, половина кромид и сл.). Едноставни, практични, бидејќи можат да се носат на работа и да се изедат во паузата за ручек, а здрави и вкусни! Ова е мојата верзија на оброк салата со халуми сирење и со зеленчук кој што во дадениот момент се наоѓаше во фрижидерот. СОСТОЈКИ (за еден оброк) 3 листови зелена салата 5 шери домати 3 ротквици 1/2 морков 1/2 свежа краставица, исчистена од семките 1/2 главица црвен кромид 3 парчиња халуми сирење, поделени на половинки 1 лажица маслиново масло 2 лажици сок од лимон 3 маслинки, за декорација сол по вкус шарен бибер по вкус НАЧИН НА ПОДГОТОВКА Измијте го зеленчукот и исецкајте го на поситни парчиња. Зачинете со емулзија направена од маслиново масло, сок од лимон, сол и бибер и ставете ја салатата во пригоден сад.  Загрејте тава со нелепливо дно и испечете ги парчињата сирење. Топли ставете ги врз салатата. Толку.

Конечно, крем без палмино масло, без скриени шеќери и со лесно достапни состојки. Одличен крем од лешник и какао, мојата домашна „Нутела„. СОСТОЈКИ 150 гр непечен лешник 80 гр путер 150 мл млечна павлака за готвење 5 рамни лажици еритритол (-/+, во зависност од тоа колку сакате да биде сладок) 30 гр горко какао НАЧИН НА ПОДГОТОВКА Најпрвин испечете ги лешниците и додека се врели исчистете ги од внатрешната опна и веднаш ставете ги во блендер. Блендајте во кратки интервали додека не добиете лешник паста. На почетокот, лешниците ќе бидат класично мелени, но од топлината на самите лешници и на загреаните ножеви на блендерот, ќе почне да се создава паста од лешник. Должината на блендањето и самата текстура на пастата ќе зависи исклучиво од јачината на блендерот. Сега во оваа паста додадете ја загреаната павлака во која што сте го растопиле еритритолот, путерот и какаото и блендајте додека сите состојки не се соединат и не се претворат во една хомогена маса. Топлиот крем префрлете го во тег

  Долго време мака мачев со наоѓање на гранола во која нема додадени шеќери, гликозен сируп, вештачки ароми и слично. И покрај огромната понуда во маркетите овде каде што живеам, моите здравствени потреби некако не се поклопуваа со истоимената понуда па решив да си направам сама нешто што ќе биде во согласност со моите потреби, а да не чини мало богатство. Се прави многу лесно, за околу половина час и за кратко време ќе имате одличен додадок за појадок. Количината на состојките си ја прилагодувате самите.  Од оваа количина добив една голема тегла. СОСТОЈКИ 80 гр ореви 50 гр ленено семе во зрно 50 гр непечено семе од тиква 50 грама непечен сончоглед 50 гр непечен лешник 80 гр путер од кикирики без додаден шеќер 15 гр протеин од ванила 2 лажици еритритол (опционо) суво овошје (опционо) НАЧИН НА ПОДГОТОВКА На плех од рерна ставете хартија за печење и вклучете ја рерната на 170 С. Оревите и лешниците истолчете ги но не многу ситно. Изборот на јатки зависи од желбите и потребите.  Во подлаб

  Брзичко и лесничко кога ви се јаде нешто слатко, а мора да бидете на режим. Малово бомбиче е сочинето од само три главни состојки, а се прави многу брзо и лесно. Единствено мора да почекате и да поцупкате пред фрижидер додека да се излади и стегне. Состојки 60 мл млечна павлака за шлаг, без додаден шеќер 1 рамно лажиче мелен желатин 180 мл млечна павлака за шлаг, без додаден шеќер  2 рамни супени лажици еритритол 1 лажиче ванила екстракт 1 рамна супена лажица какао Начин на приготвување Измешајте 60 мл млечна павлака и желатинот и оставете ги на страна. Во сад за готвење измешајте ги преостанатите состојки и мешавината загревајте ја на рингла, на умерена јачина при тоа внимавајќи да не зоврие. Готово е кога ќе почнат да се прават мали, ситни меурчиња. Тргнете го садот од рингла и почекајте половина минута. Сега, додадете го набубрениот желатин. Најверојатно ќе имате грутчеста смеса, но без гајле, ќе се истопи во топлата мешавина. Добро промешајте со жица за матење и течната смеса ста