Пређи на главни садржај

Fröknäcke

 


Fröknäcke или во превод плочки/двопек од семиња. 

Без глутен, без млечни производи, без јајца, направен од семиња кои што во моментот ми беа достапни. И одличен! 

Во Шведска, најчесто се јаде за појадок, наместо класичен леб, намачкан со путер врз кој се редат тркалца краставици, тркалца од варени јајца, парче жолто сирење или во превод, кашкавал. Јас го сакам со крем сирење или со џем или чоколаден крем. 

Ги има да се купат, но се поприлично скапи и со додаток на брашно или продукти од пченица, па решив да си ги направам сама. 

Се прават многу едноставно, а излегуваат многу плочки; цел плех од рерна (30х40 цм). 

Ова беше мојот избор на семиња. Се мери со истата чашка со запремнина од 240 мл, а сите семиња се сурови, односно непечени. 

СОСТОЈКИ 

  • 1 чаша семки од сончоглед
  • 1 чаша семки од тиква
  • 1 чаша ленено семе
  • 1/2 чаша чиа семе
  • 1/2 чаша сусам
  • 1 супена лажица псилиум (може да се изостави, но подобро ја врзува смесата) 
  • 1/2 лажиче сол
  • 1 1/2 чаша кокосово или брашно од бадеми
  • 350 - 450 мл вода, во зависност од користеното брашно
НАЧИН НА ПОДГОТОВКА

Во подлабок сад се истураат сите семиња, брашното, солта и псилиумот и добро се промешуваат. 



Внимателно и во повеќе наврати се додава врела вода, истовремено мешајќи ја смесата. Количината на водата зависи од тоа какво брашно ќе користите. Ако користите кокосово брашно (брашно, не рендан кокос за колачи), тогаш ќе биде потребно повеќе вода, бидејќи кокосовото брашно има поголема моќ на впивање на течности за разлика од бадемовото брашно. 


Добро промешајте и оставете ја смесата да одмори 10 минути. За тоа време вклучете ја рерната на 160°С. 
На плехот од рерната, ставете хартија за печење и врз неа истурете ја топлата смеса. Со рака добро и силно истапкајте ја целата, додека не се пополни и не се израмни целата површина. 


Со нож плитко засечете форми на правоаголни плочки. 


Ставете да се пече прво 30 минути, потоа отворете ја рерната за да излезе пареата и уште еднаш со нож поминете по засеците. Печете уште 30 до 40 минути, додека смесата не порумени по краевите. 
Извадете ја од рерна, повторно поминете со нож по засеците и почекајте плочките во потполност да се изладат. 
Префрлете ги во вакуум кесички или во кутии со капак. 
Вака складирани, можат да стојат со месеци. 

Ознаке:

Коментари

Постави коментар

Популарни постови са овог блога

Паштета од туна

Со години не купувам паштети, туку си ги правам сама. Сакам да знам од што се направени и со каков квалитет се состојките од кои што се направени истите.  Во недостиг на идеи за појадок, денес правев паштета од туна. Има многу варијации на тема паштета од туна; со додаток на кисели краставички, јајца, кисела павлака, мајонез, но јас повеќе го сакам оној чист, буквално "морски" вкус на паштетата.  Фина, ароматична, со свеж медитерански штих, како да ме повикува на патување по Медитеранот.  Ја намачкав на тостирано 'ржано лепче со семиња и  додадов сушени маслинки и свежа краставица.  Бомба од ароми, вкусови и свежина.  Потребни состојки 1 конзерва туна во вода 1 мааалечка главица кромид (ставив црвен кромид, има далеку понежна арома од жолтиот)  2 чешниња лук 1 полна кафена лажичка закиселени капари 1 полна лажичка дижон сенф 1 инчун од масло 1 супена лажица екстра девствено маслиново масло 1 лажичка ворчестер сос Сок од 1/4 лимон (+/- по вкус)  Мелен зелен бибер На врв на
1 коментар
Прикажи све

Чоколаден кето пудинг

  Брзичко и лесничко кога ви се јаде нешто слатко, а мора да бидете на режим. Малово бомбиче е сочинето од само три главни состојки, а се прави многу брзо и лесно. Единствено мора да почекате и да поцупкате пред фрижидер додека да се излади и стегне. Состојки 60 мл млечна павлака за шлаг, без додаден шеќер 1 рамно лажиче мелен желатин 180 мл млечна павлака за шлаг, без додаден шеќер  2 рамни супени лажици еритритол 1 лажиче ванила екстракт 1 рамна супена лажица какао Начин на приготвување Измешајте 60 мл млечна павлака и желатинот и оставете ги на страна. Во сад за готвење измешајте ги преостанатите состојки и мешавината загревајте ја на рингла, на умерена јачина при тоа внимавајќи да не зоврие. Готово е кога ќе почнат да се прават мали, ситни меурчиња. Тргнете го садот од рингла и почекајте половина минута. Сега, додадете го набубрениот желатин. Најверојатно ќе имате грутчеста смеса, но без гајле, ќе се истопи во топлата мешавина. Добро промешајте со жица за матење и течната смеса ста
Постави коментар
Прикажи све

Гранола без шеќер

  Долго време мака мачев со наоѓање на гранола во која нема додадени шеќери, гликозен сируп, вештачки ароми и слично. И покрај огромната понуда во маркетите овде каде што живеам, моите здравствени потреби некако не се поклопуваа со истоимената понуда па решив да си направам сама нешто што ќе биде во согласност со моите потреби, а да не чини мало богатство. Се прави многу лесно, за околу половина час и за кратко време ќе имате одличен додадок за појадок. Количината на состојките си ја прилагодувате самите.  Од оваа количина добив една голема тегла. СОСТОЈКИ 80 гр ореви 50 гр ленено семе во зрно 50 гр непечено семе од тиква 50 грама непечен сончоглед 50 гр непечен лешник 80 гр путер од кикирики без додаден шеќер 15 гр протеин од ванила 2 лажици еритритол (опционо) суво овошје (опционо) НАЧИН НА ПОДГОТОВКА На плех од рерна ставете хартија за печење и вклучете ја рерната на 170 С. Оревите и лешниците истолчете ги но не многу ситно. Изборот на јатки зависи од желбите и потребите.  Во подлаб
Постави коментар
Прикажи све