Пређи на главни садржај

Чорба од црвена леќа

 



Не сакам леќа. Уствари, не ја сакав додека не ја направив оваа чорба. 😊 Ова е веќе трета недела откако испробувам различни видови на храна за да видам која ми создава големи инсулински пикови и за да ја избегнувам во иднина. Денес беше ден за експериментирање со црвена леќа. 😊

Оваа чорба е готова за половина час и денес ми беше ручек. Мирисна, ароматична, зачинета таман колку да го заскокотка грлото, вистински пример за комфорт фуд и совршена контратежа на денешниот тмурен, врнежлив, типично есенски скандинавски ден. 

Сонце во чинија. ❤

СОСТОЈКИ

(за една длабока чинија чорба) 

  • 1 помала главица кромид
  • 2 чешниња лук
  • 50 гр сува (неварена) црвена леќа
  • 1 коцка за супа (по избор) 
  • Сол по вкус
  • Бибер по вкус
  • 1/2 лажиче куркума
  • 1/4 лажиче кумин. НЕ ким! 
  • 1 лажица маслиново масло
  • 1 лажица сок од лимон
  • Каенски пипер по вкус
  • 400-450 мл врела вода
  • 2 лажици пелат домати или 1 лажица концентрат од домати
  • 2 лажици сецкани листови коријандер
  • Масло од сусам (опционо) 
НАЧИН НА ПОДГОТОВКА
Ставете ги кромидот и лукот во сецко и ситно насецкајте ги. Во помал сад загрејте го маслиновото масло и на него испржете ги сецканите кромид и лук. Нека застаклат и малку нека свенат. Додадете ги куркумата и куминот и кратко пропржете. Додадете го пелатот (или концентратот од домати) и повторно кратко пропржете. Сега додадете ја измиената и исцедена леќа, врелата вода и коцката за супа. Варете околу 30 минути со често мешање, додека не се свари леќата. Додадете бибер, каенски бибер и сол по вкус. 

Одземете половина од сварената леќа, а остатокот изблендајте го додека не добиете кремаста текстура. Во кремастата чорба, вратете ја леќата која што ја одвоивте на страна, додадете ги сецканиот коријандер и сокот од лимон. 

Префрлете ја чорбата во длабока чинија и одозгора ставете малку масло од сусам и малку сушени листови коријандер. 


Ознаке:

Коментари

Постави коментар

Популарни постови са овог блога

Паштета од туна

Со години не купувам паштети, туку си ги правам сама. Сакам да знам од што се направени и со каков квалитет се состојките од кои што се направени истите.  Во недостиг на идеи за појадок, денес правев паштета од туна. Има многу варијации на тема паштета од туна; со додаток на кисели краставички, јајца, кисела павлака, мајонез, но јас повеќе го сакам оној чист, буквално "морски" вкус на паштетата.  Фина, ароматична, со свеж медитерански штих, како да ме повикува на патување по Медитеранот.  Ја намачкав на тостирано 'ржано лепче со семиња и  додадов сушени маслинки и свежа краставица.  Бомба од ароми, вкусови и свежина.  Потребни состојки 1 конзерва туна во вода 1 мааалечка главица кромид (ставив црвен кромид, има далеку понежна арома од жолтиот)  2 чешниња лук 1 полна кафена лажичка закиселени капари 1 полна лажичка дижон сенф 1 инчун од масло 1 супена лажица екстра девствено маслиново масло 1 лажичка ворчестер сос Сок од 1/4 лимон (+/- по вкус)  Мелен зелен бибер На врв на
1 коментар
Прикажи све

Чоколаден кето пудинг

  Брзичко и лесничко кога ви се јаде нешто слатко, а мора да бидете на режим. Малово бомбиче е сочинето од само три главни состојки, а се прави многу брзо и лесно. Единствено мора да почекате и да поцупкате пред фрижидер додека да се излади и стегне. Состојки 60 мл млечна павлака за шлаг, без додаден шеќер 1 рамно лажиче мелен желатин 180 мл млечна павлака за шлаг, без додаден шеќер  2 рамни супени лажици еритритол 1 лажиче ванила екстракт 1 рамна супена лажица какао Начин на приготвување Измешајте 60 мл млечна павлака и желатинот и оставете ги на страна. Во сад за готвење измешајте ги преостанатите состојки и мешавината загревајте ја на рингла, на умерена јачина при тоа внимавајќи да не зоврие. Готово е кога ќе почнат да се прават мали, ситни меурчиња. Тргнете го садот од рингла и почекајте половина минута. Сега, додадете го набубрениот желатин. Најверојатно ќе имате грутчеста смеса, но без гајле, ќе се истопи во топлата мешавина. Добро промешајте со жица за матење и течната смеса ста
Постави коментар
Прикажи све

Гранола без шеќер

  Долго време мака мачев со наоѓање на гранола во која нема додадени шеќери, гликозен сируп, вештачки ароми и слично. И покрај огромната понуда во маркетите овде каде што живеам, моите здравствени потреби некако не се поклопуваа со истоимената понуда па решив да си направам сама нешто што ќе биде во согласност со моите потреби, а да не чини мало богатство. Се прави многу лесно, за околу половина час и за кратко време ќе имате одличен додадок за појадок. Количината на состојките си ја прилагодувате самите.  Од оваа количина добив една голема тегла. СОСТОЈКИ 80 гр ореви 50 гр ленено семе во зрно 50 гр непечено семе од тиква 50 грама непечен сончоглед 50 гр непечен лешник 80 гр путер од кикирики без додаден шеќер 15 гр протеин од ванила 2 лажици еритритол (опционо) суво овошје (опционо) НАЧИН НА ПОДГОТОВКА На плех од рерна ставете хартија за печење и вклучете ја рерната на 170 С. Оревите и лешниците истолчете ги но не многу ситно. Изборот на јатки зависи од желбите и потребите.  Во подлаб
Постави коментар
Прикажи све